Mae Prosiect Tonypandy yn rhan o gyfres o brosiectau atal newydd a fydd yn nodi ‘ardaloedd â phroblem’ ar hyd De Cymru.

Amcanion prosiectau o’r fath yw:

• Adnabod nifer o wahanol grwpiau:
  • Pobl Ifanc rhwng 11-17 mlwydd oed
  • Pobl Ifanc rhwng 10-11 mlwydd oed (Cyfnod Pontio i Ysgol Uwchradd)
  • Mamau Ifanc a Phlant Bach
• Cynnig nifer o weithdai yn ymdrin â nifer o bynciau.
• Cynnwys/Annog gweithio mewn partneriaeth.
• Cysylltu â’r Orsaf leol.
• Lleihau Tanau Eilaidd yn yr ardal gyfagos.

Bydd Prosiect Tonypandy yn cynnwys gweithdai ar broblemau gan y Prosiect Rap Llosgi Bwriadol, Therapi Ymddygiad Gwybyddol ar gyfer pobl ifanc sydd wedi’u hadnabod gan y Tîm FIS a chydweithio â mamau ifanc a phlant bach trwy Ddiogelwch Cymunedol, Blynyddoedd Cynnar. Bydd Gorsaf Tonypandy hefyd yn cydweithio â’r bobl ifanc yn rheolaidd. Mae Prosiect Tonypandy hefyd yn cynnwys y Prosiect ‘Stick It’ sy’n cael ei ddarparu gan y Tîm Gwasanaethau Cefnogi Ieuenctid (gweler adran ‘Stick It’). 

Dyma’r Partneriaid lleol sydd ynghlwm â’r prosiect:

• Valleys Kids
• Cymunedau yn Gyntaf
• Heddlu De Cymru
• Prosiect Ark
• 7 Ysgol Gynradd leol
• Prosiect E3

Mae’r prosiect yn para tua 8 wythnos gyda gweithdai ar ôl ysgol a gyda’r nos.

Cynhelir y gweithdai yn un o’r lleoliadau canlynol:

• Coleg Cymunedol Tonypandy
• Canolfan Ark
• Canolfan Soar
• Gorsaf Tonypandy

Mae Prosiect Tonypandy, ac eraill o’r un fath, yn cael ei ddarparu er mwyn addysgu a rhoi gwybodaeth i bobl ifanc a grwpiau wedi’u targedu am ddiogelwch yn y cartref a pheryglon llosgi bwriadol, trosedd ceir ac ymddygiad gwrthgymdeithasol. Ei nod yw integreiddio pobl ifanc i mewn i weithgareddau lleol a phositif, cynyddu gweithio mewn partneriaeth yn yr ardal gan leihau tanau eilaidd yn y broses.

Mae Prosiect Tonypandy am gynnwys pawb ac mae’n cynnig gwybodaeth helaeth.