Mae Gwasanaeth Tân ac Achub De Cymru yn cynnig cyfle i chi dderbyn Archwiliad Diogelwch Tân yn y Cartref, wedi’i wneud gan Ymladdwyr Tân a’ch Gorsaf Dân Lleol. Mae’r Archwiliad yn cymryd tua 30 munud a byddwn yn darparu ac yn gosod larwm mwg 10 mlynedd lle bo angen.

Mae ymweliadau arbenigol a larymau mwg ar gyfer pobl sy’n drwm eu clyw hefyd ar gael. [mwy o wybdoaeth am Larymau Mwg ar gyfer Pobl â Nam ar eu Clyw]

Pan fyddwch yn trefnu Archwiliad Diogelwch Tân yn y Cartref bydd Ymladdwyr Tân lleol yn trefnu amser cyfleus i ymweld â’ch cartref i gynnal archwiliad, gan edrych am beryglon tân. Byddant yn rhoi cyngor sy’n achub bywydau ac yn rhoi cyngor ar sut i adnabod peryglon tân yn eich cartref, beth i’w wneud os bydd tân yn y cartref a sut i wneud cynllun dianc rhag tân.   [mwy am Ddiogelwch Tân yn y Cartref]