Yn ddiweddar, fe benododd Gwasanaeth Tân ac Achub De Cymru Gydlynydd Trydydd Sector o fewn yr Adran Diogelwch Cymunedol a Phartneriaethau.
Mae Donna Crossman wedi’i phenodi fel rhan o’r tîm diogelwch tân yn y cartref i ymgysylltu â sefydliadau trydydd sector a sefydliadau gwirfoddol i gynyddu nifer yr archwiliadau diogelwch tân yn y cartref sy’n cael eu darparu i unigolion o grwpiau sy’n agored i niwed.
Ers mis Ebrill 2007 mae cyfanswm o 17 marwolaeth wedi bod yn ardal Gwasanaeth Tân ac Achub De Cymru o ganlyniad i Danau Damweiniol mewn Cartrefi. O’r rheiny, roedd 12 ohonynt yn y grŵp oedran 60+ ac roedd 9 o’r rhain yn hysbys i asiantaethau eraill ond nid i’r Gwasanaeth Tân.
Yn ystod y flwyddyn yn arwain at fis Ebrill 2010 roedd cyfanswm o 801 o Danau Damweiniol mewn Cartrefi yn ardal GTADC yn unig.
Mae Adroddiad Diogelwch Tân Atal Tân Cymru 2009 wedi canfod y grwpiau sy’n fwyaf agored i niwed fel a ganlyn:
Ein nod yw ymgysylltu â sefydliadau sy’n gweithio gyda’r grwpiau hyn yn rheolaidd er mwyn darparu archwiliadau diogelwch tân yn y cartref am ddim.
Os hoffech fwy o wybodaeth am y fenter hon cysylltwch â Donna Crossman drwy
e-bost: d-crossman@southwales-fire.gov.uk neu rif ffôn symudol : 07768 307709