Roedd swyddogion yr heddlu yn atal unrhyw yrwyr nad ydynt yn gwisgo gwregys diogelwch ac yn rhoi ‘opsiwn’ iddynt:

Opsiwn 1:

Gall y troseddwr gytuno i dalu’r ddirwy.

Opsiwn 2:

The Gall y troseddwr fynd i Orsaf Dân leol a gwylio cyflwyniad ddeng munud o hyd am ganlyniadau erchyll peidio â gwisgo gwregys diogelwch.

Yn ardal Gwasanaeth Tân ac Achub De Cymru, cafodd 171 o fodurwyr eu hatal gan swyddogion yr heddlu tu allan i saith Gorsaf Dân gwahanol yn ystod Wythnos Diogelwch ar y Ffyrdd (2008). Cafodd pob un eu hatal am nad oeddent yn gwisgo gwregys diogelwch wrth yrru, neu am deithio mewn cerbyd heb wisgo gwregys..

Wedi cael y dewis, dim ond tri pherson ddewisodd y ddirwy/pwyntiau cosb. Roedd yn well gan 168 o bobl fynd mewn i’r Gorsafoedd Tân a gwylio cyflwyniad difrifol iawn, 10-15 munud o hyd.

Roedd 100% o’r bobl a welodd y cyflwyniad yn dweud y byddent yn sôn wrth bobl eraill amdano a dywedodd 98% ei fod wedi newid eu canfyddiad hwy ynghylch peryglon gyrru heb wisgo gwregys diogelwch.

Cafodd y Gorsafoedd Tân canlynol eu targedu yn ardal Gwasanaeth Tân ac Achub De Cymru:

Merthyr Tudful, Tonypandy, Caerdydd Canolog a’r Barri (ardal Heddlu De Cymru) – cafodd 90 o droseddwyr eu hatal gan yr heddlu.

Caerffili, Aber-carn a Glynebwy (ardal Heddlu Gwent) – cafodd 78 o droseddwyr eu hatal gan yr heddlu.

Nod Opsiynau:

Nod y fenter diogelwch hon yw eich hysbysu am beryglon a chanlyniadau peidio â gwisgo gwregys diogelwch..

Yr amcan yw lleihau nifer y bobl sy’n cael eu lladd ac yn cael eu hanafu’n ddifrifol ar ein ffyrdd.

Rydym am addysgu yn hytrach nag erlyn.

Deddfwriaeth Gyfredol:

• Rhaid i yrwyr a theithwyr yn y sedd flaen wisgo gwregys diogelwch
• Rhaid i oedolion yn y sedd gefn wisgo gwregys diogelwch
• Cyfrifoldeb y teithiwr sy’n oedolyn (14 mlwydd oed neu’n hŷn) yw hyn ac nid y gyrrwr
• Plentyn hyd at 3 mlwydd oed – rhaid defnyddio’r sedd diogelwch i blant cywir
• Plentyn dros 3 mlwydd oed hyd at 135cm mewn taldra (4’5”) - rhaid defnyddio’r sedd diogelwch i blant cywir  
• Cosb Benodedig o hyd at £60
• Uchafswm cosb o £500.

Anafiadau:

• Os na fyddwch yn gwisgo gwregys diogelwch mewn gwrthdrawiad cewch eich taflu ymlaen gyda grym sy’n 30 i 60 gwaith yn fwy na phwysau eich corff.
• Rydych1300 gwaith yn fwy tebygol o gael anafiadau asgwrn cefn.
• Anafiadau difrifol gyda chanlyniadau angheuol yn aml
• Y sedd gefn yw’r lle mwyaf diogel i deithio mewn car, ond gall teithwyr yn y sedd gefn nad ydynt yn gwisgo gwregys diogelwch ddioddef anafiadau difrifol a lladd pobl eraill mewn gwrthdrawiad.

Pethau i’w hystyried:

• Gobeithio na chewch wrthdrawiad
• Ond beth fyddai’n digwydd os bydd yn cael gwrthdrawiad?
• Gall gwrthdrawiad eich lladd hyd yn oed os nad chi oedd ar fai.

COFIWCH - Mae’r gwir wrthdrawiad yn digwydd tu fewn i’r car

Rhesymau a roddwyd am beidio â gwisgo gwregys diogelwch neu ddefnyddio ffôn symudol:

• Rhuthro o amgylch
• Wedi anghofio
• Byth yn defnyddio fy ngwregys diogelwch
• Roeddwn ar frys
• Hen ffasiwn
• Ddim yn meddwl am y canlyniadau
• Wrthi’n gosod yr offer llawrydd
• Dim rheswm
• Ddim yn ei hoffi am ei fod yn fy nghyfyngu
• Heb ffwdanu
• Rwy’n gwisgo gwregys bob tro, ni fyddaf byth eto yn dal fy ffôn symudol â llaw
• Heb sylweddoli ei fod mor bwysig
• Wedi anghofio gan mai fi yw gyrrwr y bws
• Diogi
• Rwy’n yrrwr fan, ddim yn meddwl bod rhaid i mi
• Yn teithio pellter byr
• Heb feddwl
• Gweithio i’r awdurdod lleol, i mewn ac allan o’r cerbyd
• Arfer gwael
• Siwrnai fer
• Meddwl ei bod hi’n iawn i beidio
• Ddim yn canolbwyntio
• Heb feddwl ei ddefnyddio
• Meddwl am bethau eraill
• Heb edrych ar wregys diogelwch sedd y plentyn
• Anghyfforddus
• Newydd adael gwaith
• Cael diwrnod gwael
• Mae’n fy nghosi
• Ddim yn meddwl bod rhaid ei wisgo mewn lori

Does dim un o’r rhain yn ddigon da!!