Sioe Deithiol Gwrthdrawiadau Traffig ar y Ffyrdd yw CSI (Crash Scene Incident) sydd wedi’i hanelu’n bennaf at bobl ifanc 17-25 oed sydd wedi’u nodi fel y grŵp sydd fwyaf mewn perygl. Yn y sioe, trafodir canlyniadau’r digwyddiadau dychrynllyd hyn sy’n trawsnewid bywydau pobl..
Ein nod yw lleihau’n sylweddol nifer y bobl sy’n cael eu lladd a’u hanafu’n ddifrifol ar ein ffyrdd yn Ne Cymru.
Mae Gwasanaeth Tân ac Achub De Cymru a Swyddogion Diogelwch ar y Ffyrdd o 10 awdurdod lleol ar draws De Cymru wedi ymuno â’i gilydd i gyflwyno’r fenter hon i fyfyrwyr mewn ysgolion, y chweched dosbarth a cholegau yn yr ardal.
Mae’r digwyddiad wedi’i anelu at grŵp o fyfyrwyr sy’n derbyn cyflwyniad cychwynnol ar y theori yn y coleg neu’r ysgol. Canolbwyntia ar sut y gall un ddamwain ar y ffyrdd effeithio ar lawer o bobl wahanol yn ogystal â’r bobl sy’n cael eu hanafu a’u teuluoedd.
Ar ôl hyn, bydd y myfyrwyr yn cael eu harwain allan i weld car sydd wedi bod mewn damwain go iawn, wedi’i godi ar dreilar. Roedd y cerbyd hwn, Vauxhall Corsa, yn rhan o wrthdrawiad lle gwnaeth y perchennog 18 oed lwyddo i ddianc yn fyw, yn bennaf oherwydd ei fod yn gwisgo ei wregys diogelwch.
Wedi hynny, bydd y myfyrwyr yn cael sgwrs ynghylch y peryglon wrth yrru sef: alcohol a chyffuriau, gyrru ar gyflymdra sy’n amhriodol a defnyddio gwregysau diogelwch yn anghywir.