Mae pedair gwylfa (Coch, Gwyn, Glas a Gwyrdd) yn staffio'r Ystafell Reoli dros gyfnod o 24 awr. Mae pob gwylfa'n gweithio system o gylchdroi sifftiau dau ddiwrnod naw awr (9yb i 6yh), dwy noson (6yh i 9yb), a pedwar diwrnod heb fod ar ddyletswydd.
Mae pob gwylfa yn cynnwys wyth Gweithredydd Rheoli Tân, dwy Reolwraig Griw a Rheolwr/Rheolwraig yr Wylfa. Mae Tîm Rheoli'r Ystafell Reoli yn gyfrifol am redeg yr Ystafell o ddydd i ddydd, ac yn atebol i Brif Swyddog yr Ystafell Reoli Tân.
Mae pob aelod o staff yr Ystafell Reoli wedi'u hyfforddi i safon uchel ac mae angen iddynt weithredu ystod o wybodaeth technoleg cymhleth. Mae rhaid iddynt allu ymateb yn gyflym, meddwl yn gloi a chymryd a throsglwyddo ac ymateb i gyfarwyddiadau'n fanwl gywir.
Mae angen arnynt hefyd sgiliau cyfathrebu ardderchog arnynt hefyd yn ogystal â'r gallu i weithio'n dda o dan bwysau ac fel rhan o dîm glòs.
Un o'r tasgau mwyaf pwysig sydd gan staff yr Ystafell Reoli ydy sicrhau bod adnoddau ar gael i ymateb mewn Gorsafoedd Tân eraill, felly os derbynnir galwadau brys eraill, bydd staff yr Ystafell Reoli yn gwneud symudiadau wrth gefn trwy symud injans tân i Orsafoedd Tân i sicrhau eu bod yn barod i ymateb i ddigwyddiadau dilynol.
Mae cynlluniau wrth gefn yn eu lle, sydd wedi'u treialu a phrofi yn barod, i gynnal yr ymateb brys, gan gynnwys cyflenwadau pŵer wrth gefn a methiant cyfrifiaduron. Lleolir Ystafell Reoli eilaidd mewn tref cyfagos er mwyn i staff yr Ystafell Reoli ail-leoli yna yn gyflym. O'r fan hyn, mae'n bosib dyblygu gweithrediadau argyfwng yr Ystafell Reoli heb golli effeithiolrwydd.