Dywedodd Martin Henderson, Pennaeth Diogelwch Cymunedol,

Mae dathliadau’r Flwyddyn Newydd Tsieineaidd bob tro yn drawiadol a lliwgar, ond hoffwn atgoffa pawb i gymryd gofal ychwanegol wrth fwynhau.

Hoffai Gwasanaeth Tân ac Achub De Cymru i bawb gofio'r cyngor canlynol er mwyn eu diogelwch dros gyfnod dathlu’r Flwyddyn Newydd Tsieineaidd a thrwy gydol gweddill y flwyddyn yn ogystal:

• Gosodwch larymau mwg sy’n gweithio ar bob lefel yn eich cartref. Bydd Gwasanaeth Tân ac Achub De Cymru yn gosod y rhain am ddim yn ystod archwiliad diogelwch tân yn y cartref – ffoniwch 0800 169 1234 i drefnu.
• Rhowch brawf ar eich larymau mwg yn wythnosol.
• Cymrwch ofal mawr gyda thân gwyllt. Prynwch dân gwyllt sydd wedi’i farcio gyda Safon Diogelwch Prydeinig 7114 yn unig a darllenwch a dilynwch y cyfarwyddiadau bob tro.
• Ar bob adeg, cadwch fflamau canhwyllau bellter diogel i ffwrdd o lenni, celfi ac addurniadau. Mae gwallt hir a dillad hefyd yn fflamadwy iawn. Cadwch fflamau allan o gyrraedd plant ac anifeiliaid. Dylid goruchwylio plant drwy’r adeg ar bwys fflamau.
• Wrth goginio bwyd wedi’i ffrio’n ddwfn, sychwch ef cyn ei roi yn yr olew poeth. Os yw’r olew yn dechrau mygu, diffoddwch y gwres a gadael i’r sosban oeri. Peidiwch byth â llenwi’r sosban fwy na un rhan o dair gydag olew. Peidiwch byth â thaflu dŵr dros y sosban.
• Diffoddwch a thynnwch blwg pob dyfais drydanol o’r wal oni bai eu bod wedi’u cynllunio i’w gadael ymlaen – fel eich rhewgell neu’r peiriant DVD, er enghraifft.
• Diffoddwch a thynnwch blwg pob dyfais drydanol o’r wal, oni bai eu bod wedi’u cynllunio i’w gadael ymlaen – fel eich rhewgell neu beiriant DVD er enghraifft.
• Ceisiwch osgoi gorlwytho socedi trydanol. Ceisiwch gofio, un plyg - un soced. Os oes rhaid i chi gael mwy o blygiau wedi’u cysylltu defnyddiwch addasydd gyda ffiws bob tro.