Ar Ddydd Llun, Rhagfyr y 5ed 2011, bydd dau ymladdwr tân o Wasanaeth Tân ac Achub De Cymru (GTADC) yn cychwyn o Ynys La Gomera (Yr Ynysoedd Dedwydd) i ymgymryd â’r her anhygoel “Herio’r Iwerydd”.  Bydd yr Ymladdwyr Tân John Haskell a Jamie Windsor o Orsafoedd Tân Caerdydd yn ceisio rhwyfo dros 3000 milltir ar draws Fôr yr Iwerydd i godi arian ar gyfer amryw o achosion da. Ar hyn o bryd, mae’r ddeuawd yn rhwyfo yn gwbl ddigefnogaeth mewn bad dosbarth ‘Woodvale Pairs’, a gynlluniwyd yn benodol ar gyfer y ras, sy’n mesur ond 7 metr (23.4tr) o hyd a 1.9m (6.3tr) o led.

Disgwylir i John a Jamie groesi Môr yr Iwerydd mewn o gwmpas 3 mis, gan gyrraedd Ynys Barbados ym Mis Chwefror 2012. Her anhygoel fydd hwn i godi llawer iawn o arian ar gyfer rhai achosion da gwerth chweil.

I ddilyn eu taith, ymwelwch â: www.taliskerwhiskyatlanticchallenge.com/team/atlantic-dash

• Ychydig o ffeithiau a ffigyrau:-
  
  Mae’r daith dros 3000 o filltiroedd o hyd ar draws Fôr yr Iwerydd
  
  Bydd yn cymryd i fyny at dri mis ar y môr i’w gwblhau
  
  Bydd y tîm a’r bad yn gwbl ddigefnogaeth a hunangynhaliol, gan gymryd eu bwyd eu hun ynghyd â phurwr dŵr
  
  Bydd y tywydd yn anrhagweladwy gyda thonnau yn hwy na 40 troedfedd o uchder yn ystod stormydd
  
  Mae modd colli milltiroedd gyda’r bad yn cael ei wthio’n ôl am ddyddiau
  
  Helbul corfforol ac emosiynol heriol, rhwyfo am 24 awr y dydd mewn shifftiau am yn ail o rwyfo dwy awr a dwy awr o seibiant am weddill y daith.
  
  Wedi i’r bad adael La Gomera bydd unrhyw obaith am achubiaeth yn cymryd nifer o ddyddiau
  
  Bydd rhaid i aelodau’r Tîm fwyta 8000 o galoriau y dydd, gan golli i fyny at 20% o bwysau eu cyrff ar hyd y daith
  
  Bydd John a Jamie yn rhwyfo’n noeth, gan y bydd unrhyw ddillad yn gymysg â distrych yr heli yn achosi anesmwythyd difrifol a briwiau agored. Dyw e ddim yn swnio’n fawr o hwyl, ond mae’n ennill tipyn o gyhoeddusrwydd!
  
  Mae mwy o bobl wedi bod i’r gofod neu ddringo Mynydd Everest nag sydd wedi rhwyfo Cefnfor yr Iwerydd.

Gwrandewch ar Jamie’n cael ei gyfweld â Roy Noble o ganol yr Iwerydd ar ffôn lloeren.

(Ar gael yn Saesneg yn unig)