Mae Awdurdod Tân ac Achub De Cymru wedi cyhoeddi ei Gynllun Lleihau Risg drafft ar gyfer 2012 - 2013, sy’n amlinellu’r prif heriau strategol sy’n wynebu’r Awdurdod o ran sut y bydd yn darparu ei wasanaethau i gyhoedd De Cymru, a fydd yn cael ei roi ar waith ym mis Ebrill 2012. Mae’r Cynllun yn adeiladu ar ‘De Cymru fwy Diogel’ - Cynllun Lleihau Risg cyntaf yr Awdurdod a gyhoeddwyd yn 2007 a’r cynlluniau gweithredu blynyddol dilynol, ac yn eu hategu.

Dywedodd Dirprwy Brif Swyddog Tân De Cymru, Huw Jakeway;

Mae’r  Cynllun Gweithredu Lleihau Risg 2012/2013 yn gosod sut y bwriadwn ddefnyddio ein hadnoddau i’r effaith fwyaf i’n galluogi parhau i ddarparu gwasanaethau hanfodol i gymunedau De Cymru. Rydym yn gofyn i bawb ystyried cynnwys y Cynllun ac i roi gwybod i ni am unrhyw sylwadau sydd ganddynt.”

Bob blwyddyn, bydd yr Awdurdod yn gosod amcanion gwella i adnabod ei flaenoriaethau ar gyfer lleihau risg i gymunedau De Cymru.  Yn y cynllun hwn rydym wedi amlinellu’r meysydd yr ydym yn ystyried i fod yn flaenoriaeth ar gyfer 2012/2013, ac yn nodi sut yr ydym yn bwriadu defnyddio ein hadnoddau. Mae ein holl weithgareddau, sydd wedi’u hamlinellu yn y fframwaith cynllunio lleihau risg a rheoli perfformiad, yn gysylltiedig â chyflawni’r amcanion yma gan sicrhau bod y Gwasanaeth yn canolbwytnio ei ymdrechion ar wneud y mwyaf o gyfleoedd i wella’n gyson ac amddiffyn cymunedau De Cymru.

Ymhlith y materion y cyfeirir atynt yng Nghynllun 2012/2013 yw gwella ar ymateb argyfwng Gwasanaeth Tân ac Achub De Cymru, lleihau risg yn y gymuned, arolygu strwythurau a phatrymau gweithio yn ogystal â phrosesau busnes a systemau TGC her mwyn cynnal gweithio effeithlon yn ystod hinsawdd economaidd anodd presennol.

Yng Nghynllun Lleihau Risg 2010/2011 amlinellwyd naw prosiect allweddol yr oedden yn teimlo eu bod yn bwysig i’n galluogi gwella’n barhaus y ffrydd rydym yn gweithio a’r safon uchel o’n gwasanaethau tra ystyried yr heriau ariannol y mae’r sefydliad yn eu gwynebu.  Rydym wedi ymgymryd ag ymarfer ymgynghori manwl gyda’n cymunedau, hapddalwyr a gweithwyr ynglŷn â’r prosiectau arfaethedig ac rydym wedi gwneud newidiadau ar ôl gwrando’n ofalus i’r barn a fynegwyd.  Rydym wedi gwneud ymrwymiad parhaol i gyflwyno canlyniadau yn deillio o’r prosiectau yma ac felly, yn enwedig wrth ystyried yr adnoddau a chyllidebau cyfyngedig sydd ar gael, rydym wedi penderfynu canolbwyntio ar gwblhau’r prosiectau’n llwyddiannus. Gan fod y prosiectau heb eu gorffen eto, gwneir cynigion ac argymhellion pan fydd arolwg llawn wedi’i wneud gan bob un o’r byrddau rhaglen.  Ni weithredir cynigion ac argymhellion nes bod ymgynghoriad a chyd-drafod llawn wedi digwydd gyda’r grwpiau dan sylw a’r cyrff cynrychiadol.