Gwasanaethau Tân ac Achub Cymru yn Lansio Ymgyrch Diogelwch yr Haf ar y Cyd

Gydag arbenigwyr y tywydd yn rhagweld haf hir a sych, mae’r tri Gwasanaeth Tân ac Achub yng Nghymru yn cynghori’r cyhoedd ar sut i gael hwyl, ond hefyd ar sut i aros yn ddiogel yn yr haul.

Dywedodd y Prif Swyddog Tân Richard Smith:

Yn ystod haf hir a phoeth, mae’r glaswellt a’r llystyfiant yn dueddol o fod yn sych, sy’n golygu os ydych chi’n cychwyn tân yn yr awyr agored trwy ddamwain, bydd yn lledu’n gyflym, gan ddinistrio unrhyw beth yn ei lwybr.  Ychwanegwch ychydig o awel yr haf i’r gymysgedd a bydd y tân yn lledu’n gynt eto.

“Mae sigarét a daflwyd o ffenest car, barbeciw sy’n rhoi clawdd ar dân neu goelcerth a adawyd heb neb i gadw llygad arni, yn medru dechrau tân sy’n dinistrio erwau o gefn gwlad, cnydau a bywyd gwyllt. 

“Os yw’r tân yn cychwyn yn agosach i adref, gallai ddinistrio eich gardd, lledu i’ch tŷ a pheryglu bywydau pwy bynnag sydd y tu mewn. 

“Gallai nifer fach o ragofalon syml ac ychydig mwy o ofal eich cadw chi’n ddiogel ac atal y mwyafrif o’r mathau yma o danau.

“Buaswn yn cymell pawb i gymryd yr amser i ddarllen ein cyngor ar ddiogelwch yn y gymuned ar ddiogelwch rhag tân yng nghefn gwlad, wrth wersylla a charafanio a diogelwch barbeciws.”

Rydym yn gobeithio byddwch yn dilyn ein cyngor syml ar ddiogelwch yr haf wrth i chi fwynhau yn yr haul yr haf hwn: 

Gwersylla a Charafanio

• Sicrhewch fod o leiaf 6m rhwng pob pabell neu garafan.
• Byddwch yn ymwybodol o beth yw’r trefniadau ymladd tân yn y gwersyll ac ymhle mae’r ffôn agosaf.
• Cadwch dortsh wrth law at argyfyngau. Peidiwch â defnyddio cannwyll.
• Gosodwch larwm tân optegol yn eich carafan.
• Peidiwch â gadael plant ar eu pennau eu hunain mewn carafan.

Os digwydd tân:

• Dewch â phawb allan ar unwaith. Mae tanau’n ymledu’n gyflym iawn mewn pebyll a charafanau.
• Galwch y gwasanaeth tân ac achub.
• Rhowch gyfeirnod map, os oes modd. Fel arall, nodwch fan amlwg megis tˆy fferm neu dˆy tafarn i helpu’r gwasanaeth tân ac achub i ganfod lle’r ydych.

Pebyll

• Cadwch fatshys a leitars allan o afael plant.
• Cadwch hylifau ymfflamychol a silindrau nwy yn glir oddi wrth bebyll.
• Peidiwch â choginio yn eich pabell.
• Byddwch yn barod i dorri’ch ffordd allan o’ch pabell os digwydd tân.
• Os aiff eich dillad ar dân, STOPIWCH, CWYMPWCH A ROWLIWCH.
• Peidiwch byth â defnyddio canhwyllau mewn pabell nac wrth ymyl un.  Mae tortshys lawer yn saffach.
• Ni ddylid defnyddio taclau sy’n llosgi oel mewn pebyll nac o’u cwmpas.
• Ni ddylid defnyddio taclau coginio mewn pebyll bychain.
• Peidiwch â smygu mewn pebyll.

Y Barbeciw 

• Gwnewch yn siwˆr fod eich barbeciw’n gweithio’n iawn.
• Cadwch fwced o ddˆwr, bwced o dywod neu bibell ddyfrio gardd wrth law rhag ofn y digwydd argyfwng.
• Gwnewch yn siwˆr fod safle eich barbeciw yn wastad ac yn ddigon pell oddi wrth adeiladau, ffensus, coed a llwyni.
• Peidiwch â defnyddio mwy o siarcol nag sy’n gorchuddio gwaelod y barbeciw hyd at ddyfnder o oddeutu 50mm (dwy fodfedd).
• Cadwch blant, chwaraeon gardd ac anifeiliaid anwes yn ddigon pell o’r man coginio.
• Peidiwch ag yfed a choginio.
• Pan fyddwch wedi gorffen coginio, gwnewch yn siwˆr fod y barbeciw wedi oeri cyn ceisio’i symud. Gwagiwch y lludw ar bridd heb dyfiant arno.
• Peidiwch byth â gadael y barbeciw heb neb yn gofalu amdano.
• Peidiwch byth â rhoi lludw poeth mewn bin lludw neu fin ar olwynion, gall doddi’r plastig ac achosi tân.

Barbeciw nwy

• Gwnewch yn siwˆr fod y tap wedi’i gau cyn newid y silindr nwy.
• Newidiwch silindrau nwy yn yr awyr agored os oes modd neu agorwch ddrysau a ffenestri er mwyn cael digon o aer.
• Pan fyddwch wedi gorffen coginio caewch y silindr nwy cyn cau’r botymau ar y barbeciw, er mwyn gwneud yn siwˆr bod.

Yr holl nwy yn y bibell wedi cael ei ddefnyddio