Mae Gwasanaeth Tân ac Achub De Cymru yn ‘mynd at y cyhoedd’ i ddal oedolion sy’n gwneud galwadau ffug maleisus. 

Mae Gwasanaeth Tân ac Achub De Cymru yn ‘mynd at y cyhoedd’ i ddal oedolion sy’n gwneud galwadau ffug maleisus.  Bob blwyddyn mae Gwasanaeth Tân ac Achub De Cymru yn mynychu bron 1,000 o alwadau ffug maleisus.

Ffaith arswydus yw bod nifer o’r galwadau 999 hyn yn cael eu gwneud gan oedolion.

Mae galwadau ffug, neu alwadau ‘ffug maleisus’,  fel y mae’r Gwasanaethau Brys yn eu galw, yn drosedd ac fe allai pobl sy’n troseddi dro ar ôl tro gael dirwy neu hyd yn oed eu dedfrydu i garchar.

Fel rhan o’i ymgyrch ‘Gwaed ar dy ddwylo’, bydd Gwasanaeth Tân ac Achub De Cymru yn rhoi galwadau ffug maleisus gwirioneddol sydd wedi cael eu gwneud i’r Gwasanaeth ar y wefan hon ac yn eu diweddaru rhyw bob yn ail wythnos.

Porwch drwy’r tudalennau hyn i:

• Wrando ar alwadau ffug maleisus gwirioneddol a wnaed gan oedolion i Wasanaeth Tân ac Achub De Cymru
• Darganfod y ffeithiau am alwadau ffug maleisus a beth gall y Gwasanaeth Tân ac Achub ei wneud i’w hatal
• Gwylio’r fideo ar Youtube sy’n dangos canlyniadau dramatig galwad ffug maleisus gan un oedolyn
• Gweld beth sydd gan Ymladdwyr Tân a Gweithredwyr Rheoli i’w ddweud am bobl sy’n gwneud galwadau ffug maleisus
• Gwylio apêl Crimestoppers
• Gweld posteri a delweddau’r ymgyrch a fydd yn ymddangos mewn tafarndai a chlybiau yn Ne Cymru dros y misoedd i ddod