Ar ddydd Llun Medi’r 12fed, bydd Gorsaf Dân Penybont ar Ogwr yn cynnal digwyddiad o’r enw Ymladdwr Tân am ddiwrnod fel ffordd o ddiolch i’r plant a wirfoddolodd fel disgyblion Gwylio am Dân yn eu hysgol (Ysgol Gyfun Maesteg) dros y flwyddyn ddiwethaf.

Dywedodd Martin Donaghue, Rheolwr Gorsaf, Gwasanaeth Tân ac Achub De Cymru;

“Yr ydym yn hynod o falch o’r holl ddisgyblion a gymrodd ran yn Ymgyrch Gwylio am Dân ac rydym yn dymuno defnyddio’r digwyddiad hwn i ddiolch iddynt am eu holl gwaith caled
ar hyd y flwyddyn ac i danlinellu’r swyddogaeth bwysig yr ydynt yn chwarae o fewn eu hysgol. Rydym yn gobeithio y byddant yn mwynhau’r diwrnod yn fawr.”

Ymgyrch ar gyfer disgyblion Blwyddyn 8 Ysgolion Cyfun yw Gwylio am Dân sy’n cael ei redeg gan Wasanaeth Tân ac Achub De Cymru.  Rhaglen gynhwysfawr yw hi lle caiff plant ddiwrnod o gyfarwyddyd ynghylch Diolgelwch Tân yn yr ysgol ac yn dilyn ymweliad â’r ysgol gan bersonél yr Orsaf, mae’r disgyblion yn cynnal archwiliad diogelwch tân wythnosol, gan edrych ar ffyrdd o ddianc, offer diffodd tân ac ati cyn adrodd yn ôl at berson cyfrifol.