Cymeradwywyd gynlluniau gan Wasanaeth Tân ac Achub De Cymru i ailgylchu hen beiriannau tân drwy eu hanfon i Serbia i gael “ail fywyd”. Ymgyrch i geisio gwella cymwysterau amgylcheddol werdd Gwasanaeth Tân ac Achub De Cymru yw’r rhaglen hon sy’n para tair blynedd.

Daw’r penderfyniad i ailgylchu peiriannau tân diangen yn hytrach na’u gwaredu wrth i’r gwasanaeth dderbyn gofal amryw o beiriannau newydd sbon. Bydd y modelau newydd yn disodli y peiriannu hynny a ddefnyddwyd yng Ngorsafoedd Tân ledled De Cymru am o leiaf 15 mlynedd.

Caiff rhywfaint o’r stoc hyn eu hadleoli i orsafoedd eraill a gosodir rhai modelau naill ochr fel peiriannau “wrth gefn”. Ond gellir danfon rhan o’r hen fflyd i Serbia i ddisodli eu peiriannau sydd wedi dyddio – loriau Byddin Rwsia o gyfnod y 1950au a droswyd yw rhai ohonynt.

Y gŵr sy’n gyrru’r prosiect yw Steve Logan, y Rheolwr Gorsaf yng Ngorsaf Tân Caerffili.

Dywedodd: “Mae’r peiriannau tân a waredir wedi cyrraedd diwedd eu bywyd gwaith o dan amodau safonau Prydeinig. Ond mewn gwledydd sy’n datblygu fel Serbia, mae’r hyn y byddwn ni’n ei dderbyn yn ddiwedd bywyd mwy fel plentyndod yn eu tyb hwy. Oherwydd bod gennym ni raglen o adnewyddu naturiol fel hyn, yn fy marn i mae’n warth gwaredu’r cerbydau hyn heb gynnig ail fywyd iddynt.”

Y llynedd, fe anfonodd ef a’i dîm o ymladdwyr tân, hyfforddwyr a phersonél  gorsaf beiriant tân diangen i Serbia, ynghyd â rhagor o gyfarpar ymladd tanau a waredir fel arall.

Dywedodd Dirprwy Uwch Swyddog Diogelwch Tân Huw Jakeway:

“Ffordd foesol yw hon o ddefnyddio peiriannau sydd ar derfyn eu bywydau gwaith ynghyd â chyfarpar eraill tra’n cefnogi gwledydd sy’n datblygu.”

Mewn cydweithrediad â Blue Stag Media, Caerdydd, datblygodd y tîm wefan newydd sbon yn rhestru holl fanylion y daith ; www.blazingtoserbia.co.uk

Mae Gorsaf Tân Caerffili yn gobeithio bydd y gymuned yn eu cynorthwyo. Os oes rhywun yn dymuno noddi peiriant tân neu gynnig rhodd, cysylltwch â
Phencadlys Gwasanaeth Tân ac Achub De Cymru ar 01443 232000 neu gofynnwch am Steve Logan.

Am ragor o wybodaeth:

www.decymru-tan.gov.uk

NEU YMWELWCH Â