Am 07:21 y bore ‘ma (Dydd Gwener yr 20fed o Ionawr) ar ôl mordaith o 45 diwrnod, 19 awr ac 21 munud, ac wedi teithio 2615 milltir fôr ar y Pendovey Swift,  mae Jamie Windsor a John Haskell wedi gorffen eu taith wrth gyrraedd Barbados.

Ym mis Rhagfyr 2011, dechreuodd ddau Ymladdwr Tân o Wasanaeth Tân ac Achub De Cymru (GTADC) John Haskell a Jamie Windsor ar sialens aruthrol yr ‘Atlantic Dash’ – i rwyfo bron 3000 milltir ar draws yr Atlantig.

Mae’r ddau wedi rhwyfo’r holl ffordd heb gymorth, mewn cwch dosbarth ‘Woodvale Pairs’, a gafodd ei ddylunio yn arbennig ar gyfer y ras, er ei fod yn fach – dim ond 7 medr (23.4 troedfedd) o hyd ac 1.9 medr (6.3 troedfedd) o led.

Dywedodd Huw Jakeway, Prif Swyddog Tân Dros Dro, Gwasanaeth Tân ac Achub De Cymru a’r Cynghorydd Anthony Ernest, Cadeirydd Awdurdod Tân ac Achub De Cymru; “

“Roedd hon yn sialens anhygoel a lladdfaol sydd wedi codi llawer o arian ar gyfer nifer o elusennau gwerthfawr - The Fire Fighters Charity, Breast Cancer Care, Help for Heroes a’r WRVS”.

“Ar ran pawb o Wasanaeth ac Awdurdod Tân ac Achub De Cymru hoffem ddweud pa mor falch yr ydym o John a Jamie, a llongyfarchiadau mawr iddynt ar gyflawni’r gamp anhygoel hon”.