Mae Gorsaf Dân Pontypridd yn gwasanaethu tref Pontypridd a 18 o bentrefi amgylchynol llai gan gynnwys Pentre’r Eglwys, Ynysybwl a Rhydyfelin. Amcangyfrifir bod poblogaeth o 65,568 o fewn ardal yr Orsaf.

Mae Gorsaf Dân Pontypridd yn gwasanaethu amrywiaeth eang o ardaloedd diwydiannol, busnes a phreswyl, yn cynnwys Ystad Ddiwydiannol enfawr Trefforest a Phrifysgol Morgannwg, sy'n darparu ar gyfer 18,000 o fyfyrwyr, y mae 1,000 o'r rhain yn byw ar y campws. Hefyd mae yna nifer o brif ardaloedd adwerthu ar gyrion y dref.

Mentrau Cymunedol

• Cynigiwn Gyflwyniadau Lleihau Damweiniau Trafnidiaeth Ffordd y gellir eu cynnal yn yr Orsaf neu mewn colegau/gweithdai cymunedol/canolfannau ieuenctid lleol. Ein nod yw addysgu a chyflwyno peryglon gyrru i yrwyr ifanc a’r materion sydd ynghlwm wrth ddamweiniau a sut y gallwn eu rhwystro rhag digwydd (h.y.) gwregys diogelwch/gorgyflymder/gyrru ac yfed a chyffuriau/defnyddio ffonau symudol wrth yrru a diffyg profiad.
• Cynigiwn Wiriadau Diogelwch Tân yn y Cartref a gosodwn larymau mwg yn rhad ac am ddim yn ôl yr angen (ffoniwch 0800 169 1234 neu galwch i mewn i’n Gorsaf)
• Rydym yn ymweld ag ysgolion lleol i addysgu plant iau ynglŷn â pheryglon tân, a phlant hŷn ynglŷn â pheryglon yn y cartref ac yn y gegin
• Rydym yn cynnal asesiadau lleol o fygythiad llosgi bwriadol ac yn gweithio gyda gwasanaethau lleol i symud sbwriel a pheryglon tebygol eraill (h.y. poteli nwy sydd wedi’u taflu)
• Rydym yn gweithio gyda’r heddlu a’r fwrdeistref sirol i leihau’r nifer uwch o danau ceir bwriadol yn ardal Pontypridd ac oddi amgylch.
• Rydym yn parhau i ymweld â ffatrïoedd a safleoedd diwydiannol yn rheolaidd i gynnal gwybodaeth leol o risgiau
• Rydym yn cynnal 30 o ymarferion hyfforddi oddi ar yr orsaf i sicrhau bod ymladdwyr tân yn barod i weithredu ar unrhyw adeg
• Ein nod yw cynyddu nifer y gweithwyr tân rhan-amser gan ofalu’n arbennig ein bod yn cyflogi menywod a grwpiau ethnig sydd wedi’u tangynrychioli.

Staff

49 o staff gwisg yn cynnwys 40 o Ymladdwyr Tân Amser Llawn yn gweithio mewn 4 Gwylfa (Coch, Gwyrdd, Glas, Gwyn) ac 13 o Ymladdwr Tân Rhan Amser. Mae gan y Pennaeth Gorsaf gyfrifoldeb cyffedinol dros yr orsaf.

Strwythurau Safle

• Rheolwr criw
• Rheolwr gwylfa
• Rheolwr gorsaf - Nigel Williams

Hanes

Agorwyd yr Orsaf yn swyddogol gan Henadur y Sir W.H.Lee, cadeirydd y Cyngor Sir, ar 10 Gorffennaf 1965. Hefyd, bu'r Orsaf yn un o'r Pencadlysoedd Rhanbarthol Gwasanaeth Tân Sir Forgannwg.