Fel Pennaeth Gorsaf Dân Gymunedol Malpas, hoffwn rannu ein cynlluniau gyda chi ar gyfer y flwyddyn sydd i ddod.  Bydd y rhain yn rhoi gwasanaeth lleol gwell fyth i chi.

Fel erioed, ein nod yw ymateb i’ch galwadau am help mor gyflym ag y gallwn.  Rydyn ni’n bwriadu gweithio’n galetach nag erioed i atal argyfyngau rhag digwydd yn y lle cyntaf.  Yn ystod y deuddeng mis nesaf, ein nod yw:

• Cynnal oddeutu 550 o Wiriadau Diogelwch Tân yn y Cartref a gosod larymau mwg am ddim pan fydd eu hangen. 
• Ymweld â’n holl ysgolion lleol o fewn ardal ein gorsaf i addysgu plant wyth ac un mlwydd ar ddeg oed am beryglon tân.
• Cynnal asesiadau bregusrwydd llosgi bwriadol a gweithio gyda gwasanaethau lleol i gael gwared â sbwriel a pheryglon tân posibl eraill.
• Gweithio gyda’r Heddlu a’r Cyngor Dinas i leihau nifer uchel y tanau ceir bwriadol yn ardal Casnewydd ac o’i chwmpas.
• Gweithio gyda’r Heddlu a phartneriaid eraill i addysgu gyrwyr ifanc a lleihau nifer y Gwrthdrawiadau Traffig ar y Ffyrdd.
• Cael rhywun yn yr orsaf, pryd bynnag mae’n bosibl, i roi cyngor ac arweiniad Diogelwch Tân yn y Cartref am ddim.
• Parhau i ymweld â ffatrïoedd a safleoedd diwydiannol yn rheolaidd i sicrhau ein bod wedi ein hyfforddi a’n paratoi’n ddigonol os digwydd tân.
• Cynnal ymarferiadau hyfforddi parhaol oddi ar yr Orsaf i sicrhau bod yr Ymladdwyr Tân yn parhau i fod yn barod iawn.