Agorwyd Gorsaf Dân Pen-y-bont ar Ogwr yn swyddogol ar 30 Tachwedd 1964. Yn wreiddiol, nid dim ond un o’r prif Orsafoedd Tân ym Morgannwg Ganol oedd hi, ond roedd hi hefyd yn gweithredu fel Pencadlys Adrannol Gorllewin Morgannwg Ganol. Erbyn hyn mae’n Orsaf Dân ymroddedig â phum bae, yn gartref i ddau gerbyd pwmp, un wedi’i staffio gan bersonél llawn amser a’r llall gan bersonél rhan amser, tendr achub, cerbyd amlbwrpas 4x4 ac yn ddiweddar yr Uned Gefnogi Weithredol fel swyddogaeth o strategaeth dadlygriad màs y Llywodraeth.

Wrth gefn yr adeiladau mae cyfadeilad hyfforddi amlbwrpas gyda chyfleusterau darlithio. Mae’n cael ei ddefnyddio ar gyfer cyrsiau megis Offer Anadlu, Gwrthdrawiad Traffig ar y Ffordd a Chymorth Cyntaf. Mae’r adeilad wedi’i ddylunio i fod yn llawn mwg ffug i efelychu cyflyrau go iawn. Mae hefyd wedi bod yn lleoliad hyfforddi i dîm achub llinell GTADC a hefyd gan yr Heddlu ar gyfer eu tîm ymateb.