Mae Gorsaf Dân Abertyleri yn gwasanaethu tref Abertyleri a phentrefi cyfagos Cwmtyleri, Llanhiledd, Aber-big, Trinant, Blaenau Gwent a Six Bells. Amcangyfrif y boblogaeth yw 21,000 o fewn ardal o tua 11 milltir sgwâr.
Mae Gorsaf Dân Abertyleri yn gwasanaethu amrywiaeth o adeiladau diwydiannol, busnes a phreswyl, yn ogystal â nifer o brif adwerthwyr yng nghanol y dref.
Gwylfa System Dyletswydd Rhan Amser gyda 18 personél mewn iwnifform. Mae Rheolwr Gorsaf hefyd wedi’i leoli yn Abertyleri sy’n gyfrifol am Orsafoedd Tân Abertyleri, Blaenau a Brynmawr.
Agorodd Gorsaf Dân Abertyleri am y tro cyntaf yn 1966, wedi’i adeiladau ar hen Gilffordd y Rheilffordd. Mae’r Orsaf wedi ennill gwobrau am ei chynllun anarferol steil chalet.
Roedd yr orsaf yn arfer bod yn gartref i beiriant tân â chriw 24 awr, peiriant tân rhan amser, cerbyd platfform hydrolig a chludwr ewyn. Bellach, mae gan yr orsaf un ysgol ddŵr a cherbyd 4x4 ar gyfer rhannau mynyddog ardal yr orsaf
Yn ystod haf 2005, aeth yr orsaf Ambiwlans lleol yn Aber-big o dan ddŵr oherwydd glaw trwm, ac Abertyleri oedd un o’r Gorsafoedd Tân cyntaf yn Ne Cymru i gynnig llety i bersonél y Gwasanaeth Ambiwlans a’u cerbydau. Bellach mae dau Ambiwlans a Cherbyd Ymateb Cyflym wedi’u lleoli’n barhaus yng Ngorsaf Abertyleri, yn ogystal â’r personél cysylltiedig. Mae hyn wedi arwain at gynnydd o ran ymgysylltu.
Ym mis Chwefror 2010, newidiodd y system ddyletswydd yng Ngorsaf Dân Abertyleri o fod yn System Criw Dydd i fod yn System Dyletswydd Rhan Amser.