Mae GTADC wedi ymroi i ddileu ATD ac felly'n lleihau nifer yr ysgogiadau diangen. Mae ATD yn aflonyddgar i weithrediad eich sefydliad ac i'r  Gwasanaeth Tân ac Achub. Drwy leihau nifer y byddiniadau gan beiriannau tân argyfwng, mae'r risg i'r gymuned a chriwiau'r Gwasanaeth Tân ac Achub yn lleihau'n sylweddol.  Mae mynychu ysgogiadau ATD yn golygu nad ydy peiriannau'r Gwasanaeth Tân ac Achub ar gael ar gyfer tanau ac achubiadau go iawn,  yn ogystal ag aflonyddu ar hyfforddiant hanfodol a mentrau diogelwch cymunedol.

Caiff pob sefydliad eu hatgoffa taw cyfrifoldeb y person sy'n gyfrifol am yr adeilad yw cynnal a chadw larymau tân, lleihad larymau tân a gweithdrefnau i adnabod galwadau ffug.

Mae'r polisi a'r cyfarwyddyd cenedlaethol yn gofyn i bob adeilad sydd â system larwm tân awtomatig feddu ar system hidlo galwadau o fewn yr adeilad er mwyn sicrhau yr adnabyddir galwadau ffug cyn y gelwir y Gwasanaeth Tân.

Ystadegau Sylfaenol

GTA De Cymru 2010-2011

• Roedd galwadau ffug maleisus o fewn De Cymru yn cyfrif am 21.31% o’r holl galwadau i'r Gwasanaeth Tân.
• Cyfanswm y galwadau i Systemau Larwm Tân Awtomatig yw 6117 o ddigwyddiadau, a chofnodwyd 73 o ysgogiadau fel rhai maleisus.
• O'r galwadau ffug, yn dilyn cwestiynu galwadau, adnabyddwyd 1.46 % fel galwadau ffug ac ni wnaeth y Gwasanaeth Tân fynychu.
• Roedd galwadau o Systemau Larwm Tân Awtomatig a ganfuwyd i fod yn danau yn cyfrif am 2.86% o holl alwadau LTA.

Cyfarwyddyd Lleihau Galwadau Ffug
A fyddech cystal â tharo golwg ar y ddogfen Cyfarwyddwyd Lleihau Galwadau Ffug  am gyfarwyddyd arfer dda a syniadau ar y ffordd orau i leihau larymau ffug/diangen.

Sylwer - Dylai unrhyw gamau fod yn destun asesiad risg rhag tân yr adeiladau.

Mewn rhai sefydliadau, amcangyfrifir bod dros 70% o alwadau ffug yn larymau datrysadwy a'u bod yn destun i weithredoedd dynol. Mae'r adeilad, felly, yn ymwybodol o achos ysgogiad y larwm a'i fod yn ffug. Fodd bynnag, mewn amryw o achosion, bydd y Gwasanaeth Tân dal yn cael eu byddino. Bydd mentrau lleihau galwadau GTADC yn annog gwell gweithdrefnau rheoli i leihau'r galwadau hyn.

Mae polisi GTADC yn seiliedig ar gyfarwyddyd cenedlaethol. Ei fwriad yw amlygu i adeiladau sydd â systemau larwm tân awtomatig taw eu cyfrifoldeb hwy yw rheolaeth eu systemau larymau tân a'u gweithdrefnau. Mae GTADC yn annog rheolaeth ragweithiol i leihau a gostwng galwadau ffug o fewn yr adeilad a galwadau i'r Gwasanaeth Tân. Os bydd adeilad yn parhau i gynhyrchu larymau ffug a bod ychydig neu dim camau wedi'u cymryd i adfer y broblem, yna gellir cymryd camau pellach drwy'r broses rheoleiddio diogelwch tân.

Am ragor o gyfarwyddyd, cymorth ac ymholiadau, cysylltwch â’r:

Uned Lleihau Galwadau
Diogelwch Tân Deddfwriaethol 
Pencadlys Gwasanaeth Tân ac Achub De Cymru
Forest View
Llantrisant
CF72 8LX
Ffôn: 01443 232713

e-bost: CALLREDUCTION UNIT@southwales-fire.gov.uk