Gorchymyn Diwygio Rheoleiddio (Diogelwch Tân) 2005 (Mewn grym, 1 Hydref, 2006)

Fel rhan o ymrwymiad y Llywodraeth i leihau’r marwolaethau, yr anafiadau a’r difrod a achosir gan dân, cynhaliodd yr Adran Cymunedau a Llywodraeth Leol (Swyddfa’r Dirprwy Prif Weinidog gynt) adolygiad o gyfreithiau diogelwch tân. O ganlyniad, mae nifer o newidiadau wedi’u gwneud gyda’r nod o wneud y gyfraith yn haws ei deall ac i gydymffurfio â hi.

Prif nod y newid hwn yw symleiddio, rhesymoli a chyfuno’r ddeddfwriaeth diogelwch tân bresennol. Mae’n darparu ymagwedd ar sail risg at ddiogelwch tân gan ganiatáu gorfodaeth fwy effeithiol ac effeithlon gan y Gwasanaeth Tân ac Achub. (Gweler yr Adran Cymunedau a Llywodraeth Leol am fanylion pellach.)

Prif effaith y newidiadau yw symud tuag at fwy o bwyslais ar atal tân ym mhob adeilad annomestig, gan gynnwys y sector gwirfoddol a phobl hunangyflogedig sydd â safle ar wahân i’w cartrefi. Mae’r gyfundrefn newydd o orfodaeth diogelwch tân yn effeithio ar gyflogwyr a’r rheiny sy’n gyfrifol am adeiladau annomestig, diwydiannol, masnachol a phreswyl.

Mae tystysgrifau tân wedi eu diddymu ac ni fydd unrhyw statws cyfreithiol iddynt bellach, er y byddant o hyd yn bwysig fel dogfen gyfeirio yn enwedig i’r personau hynny a fydd yn cynnal Asesiad Risgiau Tân o’r adeiladau. Ers 1 Hydref 2006 nid oes angen i ddeiliaid eiddo a ddynodir o dan Ddeddf Rhagofalon Tân 1971 wneud cais am Dystysgrif Tân bellach.

Mae’r Gorchymyn Diogelwch Tân yn gymwys yng Nghymru a Lloegr. (Bydd gan yr Alban a Gogledd Iwerddon eu cyfreithiau eu hunain.) Mae’n ymdrin â 'rhagofalon tân cyffredinol' a dyletswyddau diogelwch tân eraill y mae eu hangen i ddiogelu 'pobl berthnasol' mewn achos o dân yn y mwyafrif o ‘adeiladau’ ac o’u cwmpas. Mae’r Gorchymyn yn ei gwneud yn ofynnol sefydlu rhagofalon tân "lle bo angen" ac i’r graddau sy’n rhesymol ac yn ymarferol o dan amgylchiadau’r achos.

Wrth wraidd y ddeddfwriaeth mae’r Asesiad Risgiau Tân (gweler isod am fwy o fanylion). Arfarniad wedi’i drefnu yw hwn o’ch gweithgareddau gwaith a’r gweithle i’ch galluogi chi i nodi unrhyw beryglon tân posibl, ac i benderfynu pwy (gan gynnwys cyflogeion ac ymwelwyr) allai fod mewn perygl pe bai tân yn digwydd, a’u lleoliad. Yna byddwch yn gwerthuso’r risgiau sy’n deillio o’r peryglon ac yn penderfynu a fydd y rhagofalon tân presennol yn ddigonol, neu a oes angen gwneud mwy.

 Canllawiau Cymorth

Y Canllawiau – Cyflwyniad a Rhestrau Gwirio

Gorchymyn Diwygio Rheoleiddio (Diogelwch Tân) 2005

Ffyrdd Dianc ar gyfer Pobl Anabl

Canllaw 1 -  Swyddfeydd a Siopau

Canllaw 2 - Ffatrïoedd a Storfeydd

Canllaw 3  - Llety Cysgu

Canllaw 4 – Adeiladau Gofal Preswyl

Canllaw 5 – Adeiladau Addysgiadol

Canllaw 6 - Mannau Ymgynnull Bychan a Chanolig

Canllaw 7 – Mannau Ymgynnull Mawr

Canllaw 8 - Theatrau a Sinemâu

Canllaw 9 – Digwyddiadau a Lleoliadau Awyr Agored

Canllaw 10 - Adeiladau Gofal Iechyd

Canllaw 11 – Adeiladau a Chyfleusterau Trafnidiaeth

Canllaw 12 – Adeiladau ac Ystablau Anifeiliaid

Do you have Paying Guests ? (Saesneg yn unig)