Wyt ti erioed wedi dychmygu beth fyddai fel i fod yn Ymladdwr Tân?
Yn ystod ‘Ymladdwr Tân am ddydd’ cewch gyfle i dreulio diwrnod mewn Gorsaf Dân a chymryd rhan mewn gweithgareddau Ymladd Tân megis dringo ysgol, gweithio mewn tîm pibell ddŵr a chwblhau ymarfer chwilio ac achub mewn digwyddiad ffug.
Bydd hefyd cyfle i ddysgu am y peryglon sy’n wynebu personél y gwasanaeth tân ac achub yn ystod eu gweithgareddau dyddiol a deall effaith digwyddiadau fel tanau glaswellt ar eich cymuned.
Byddwch yn cael eich rhoi mewn tîm sy’n cael ei alw’n ‘wylfa’ ac yn derbyn heriau drwy gydol y dydd; bydd yn gyflym, yn hwyl ac yn llawn antur!
I weld ble a phryd bydd ‘Ymladdwr Tân am ddydd’ yn digwydd edrychwch ar y tabl digwyddiadau.
Addas i bobl ifanc rhwng 13 a 18 mlwydd oed
Gwisgwch ddillad cyfforddus ar gyfer y dydd, tracsiwt, crys T, siaced fleece. Dewch a phâr o sanau trwchus a chrys T sbâr.
Byddwch yn cael offer amddiffyn personol; esgidiau, leggings, siaced, helmed a menig. Bydd yr holl offer arall yn cael ei ddarparu.
Bydd tocyn cinio a lluniaeth yn cael eu darparu
Mae ‘Ymladdwr Tân am ddydd’ yn gyfyngedig i 20 person ar gyfer pob digwyddiad, archebwch yn gynnar i osgoi cael eich siomi.
E-bostiwch:Bernie@southwales-fire.gov.uk gan nodi’r cyfeirnod FF4ADAY neu ffonio 01443 232000 am ragor o fanylion
Ffurflen Gydsynio
Mae'n bwysig ein bod yn derbyn caniatad cyn y digwyddiad, anfonwch eich ffurflen ganiatad at:
Gwasanaeth Tan ac Achub De Cymru, Parc Busnes Forest View, Llantrisant, Pont-y-clun, CF72 8LX neu e-bostiwch y cyfeiriad uchod.