Mae cyrsiau Byw yn y Gwyllt yn gyflwyniad i sgiliau goroesi yn yr awyr agored sylfaenol sydd hefyd yn cynnwys llawer o brofiad ymarferol. Caiff ei gynnal mewn amgylchedd coedwig  a byddwn yn eich darparu ag ystod eang o wybodaeth ddefnyddiol a thechnegau, dyma restr o rai ohonynt isod;

• Defnyddio offer torri yn ddiogel, gan gynnwys cyllell gwain y cewch ei chadw
• Cynnau Tân - tân un fatsien a defnydd cywir o ddur tân
• Casglu a phuro dŵr
• Adeiladu Lloches
• Paratoi a choginio helwriaeth
• Ymwybyddiaeth natur a thaith gerdded planhigion

Bydd y technegau hyn yn eich galluogi i ddatblygu gwell dealltwriaeth o’r problemau sy’n gysylltiedig â llosgi bwriadol, galwadau ffug, ymosodiadau ar ymladdwyr tân ac yn benodol tanau glaswellt a choedwig ac effeithiau’r digwyddiadau hyn ar eich cymuned a’r amgylchedd.

Ble a phryd?

I weld ble a phryd bydd Byw yn y Gwyllt yn digwydd edrychwch ar y tabl digwyddiadau.  

Pa mor hen mae’n rhaid i mi fod i gymryd rhan yn y gweithgaredd?

Addas i bobl ifanc rhwng 13 a 16 mlwydd oed

Beth sydd angen i mi ddod gyda mi?

Beth i’w wisgo? Ar y bryniau mae’n fwy pwysig bod yn gyfforddus na bod yn ffasiynol. Y tebygrwydd yw na fydd unrhyw un yn eich gweld.

• Dylech wisgo:
• Trowsus llac, fel trowsus tracsiwt
• Esgidiau cerdded
• Sanau gwlân
• Trowsus a siaced sy’n dal dŵr - gall y Bernie ddarparu'r rhain ar gyfer hyd y cwrs
• Het wlân
• Menig

Bydd yr holl offer a bwyd yn cael ei ddarparu. Hysbyswch ni wrth archebu os oes gennych unrhyw anghenion dietegol arbennig.

A fydd lluniaeth yn cael ei ddarparu?

Bydd tocyn cinio a lluniaeth yn cael eu darparu.